Skip to main content

烤帶子

遲了放班梁生提議不如買塊牛扒在家煎當晚餐好了,附近有機超市賣的美國安格斯牛肉眼扒好吃得不得了,用紅酒(酸性有助軟化肉質)、黑椒和橄欖油略醃輕煎兩面便可上碟,牛味濃,肉汁甜,有嚼勁卻滑口。難得我肯讓個廚房出來,梁生這個屎忽人又怎會心息於塊小小牛扒,所以他特意買了幾粒鮮大帶子,做烤帶子(seared scallop)。

煙肉要先灼過,放涼後包住帶子,用牙籤固定好便可以下鑊煎,灑上鹽及黑椒後再煎另一邊即成。裡頭還是保持生的(隱約還看見牙籤),帶子香甜軟糯,配味較霸道的煙肉剛剛好。

上圖我相機焦點放了在煙肉上,新相機自動對焦功能一般,以後還是用手動較好。

Comments

新鮮人 said…
濃味多油的煙肉配淡味清香帶子,
一絶! 正呀! :)
Anonymous said…
kristie, 帶子可以生食的嗎? 呢個食譜好得意呀! 建議你投稿去賺點稿費,哈哈!!

可唔可以話俾我知你煎牛扒煎幾多分鐘? 烤帶子又要幾多分鐘呢? 好想學整呀!
kristie said…
fresh:係幾好食架,不過好飽肚呀!!

蓉兒:帶子新鮮的話可以生食架!呢d鬼佬野晌呢邊先無人吼呀!

牛扒每邊三分鐘,秘訣係唔好搞佢,兼煎完之後等一陣等佢d肉汁收番先切,唔係肉汁會流晒出嚟徙哂.

帶子每邊兩分鐘,好快架咋,所以煙肉要預先灼熟囉.happy cooking!!!